Футболчида Covid-19 вируси аниқланди

Лиссабоннинг “Спортинг” клуби футболчиларидан бири коронавирусга чалинди. Бу ҳақда клуб расмий сайти хабар бермоқда. Лекин, лиссабонликлар ҳозирча Covid-19 вирусини юқтириб олган футболчи номини ошкор қилишмаяпти.

Таъкидлаш керакки, Португалия чемпионати коронавирус сабаб 12 март санасидан буён тўхтатиб қўйилган эди.

Ҳозирги пайтгача Ер юзида 3 миллионга яқин инсон коронавирусга чалинган. Уларнинг 200 минг нафари касаллик оқибатида вафот этди.